Monday, April 27, 2015

GTA V වල Crash Fix කරමු.



   GTV V ගේම් එකේ ගොඩක් issues තියනවා කියලා සෙල්ලම් කරන කට්ටිය දන්නවා ඇති. පැය 36 ක් වගේ සෙල්ලම් කරලා මම ගේම් එක සම්පුර්ණයෙන් ඉවර කළා මේ ලෙඩ එක්ක. ගේම් එකේ crash සහා ඒවා මඟ හරිමින් ගේම් එක play කරන හැටි කියලා දෙන්න මේ ලිපියෙන් බලාපොරොත්තු වෙනවා.

   ගේම් එක play කරන්න ඕනේ අවම system requirement ආයෙත් කියන්න ඕනේ නෑ නේ. මේ ගේම් එක play කරන්න මහා ලොකු VGA එකක් ඕනේ නෑ. හැබයි graphics හොඳට දාන්න නම් අනිවා හොඳ VGA එකක් ඕනේ.

හරි දැන් එහෙනම් බලමු මොනවද මේ crash වෙන සිද්දි කියලා.

[1] Q එක press කරලා cover වෙද්දී ගේම් ඒක crash වීම.

   මේ ලෙඩේ එන්නේ update 3 and crack V4(අලුත්ම ඒක)  එකට ගේම් ඒක update කලාම. මේ ලෙඩේ fix කරන්නේ මෙහෙමයි.

i) ගේම් එක අලුත්ම crack ඒක සහ update ඒක දාන්න. (දැනට දාලා නම් ආයේ දාන්න ඕනේ නෑ)

ii) දැන් පරණ update 2 (මේ update ඒක තමයි ගේම් DVD එකේ crack folder ඒක ඇතුලේ තියෙන්නේ) විතරක් ගේම් ඒක install කරපු තැනට copy-paste කරන්න. මතක තියා ගන්න update කියන එක විතරයි. පරණ crack ඒක කොපි කරන්න එපා.


හරියටම කිව්වොත් ඔයාගේ ගේම් ඒක දැන් තියෙන්න ඕනේ අලුත්ම V4 Crack සහ පරණ Update 2 එක එක්ක.

iii) ඒ වාගේම අනිවා Social Club v1.1.5.8  තියනවාද කියලත් තහවුරු කරන්න.

iv) දැන් ගේම් folder එකට ගිහින්  Launcher.exe (3DM logo ඒක තියන ඒක) එකෙන් ගේම් එක open කරන්න. වැඩේ හරියට කළා නම් crash වෙන එක fix වෙලා ඇති. 

සැ.යු - link දාලා නැත්තේ crack torrent link නිතර වෙනස් වන නිසා. ඔය crack/ update search කරලා ගන්න ඒක ලේසි.

[2] Car ඒක ඇතුලේ ඉඳන් shoot කරනකොට crash වීම. 

   මේ ලෙඩේ නම් fix අමාරුයි. මොකද මේ ලෙඩේ එන්නේ update 2 ඒක නිසා. ඔයා update 3 දැම්මොත් මේ ලෙඩේ නැති වෙනවා හැබයි මන් කලින් කිව්ව cover වෙනකොට crash වෙන ලෙඩේ මතු වෙනවා. ලොල්. ඒක නිසා පුළුවන් තරම් car එක ඇතුලෙ ඉඳන් වෙඩි නොතියා ඉන්න. මොකද ඒක එච්චරම වැදගත් දෙයක් නෙමයි cover වෙන ability එක්ක බලද්දී. chase කරනකොට හොඳට armor එක තියන vehicle එකක් ගත්තනම් හප්පලම ඉවරයක් කරන්න පුළුවන්.

[3] Mission ඒක අතර මැද ගේම් එක crash වීම.

   මතක තියා ගන්න mission 3ක් තියනවා crash වෙන ඒක නවත්වන්න බැරිම.  

 i) Blitz Play
ii) Caida Libre
iii) Monkey Business

   මේ mission අතර මැද්දෙදි crash වෙනවා. අපිට තියෙන්නේ පුංචි කපටි කමක් කරලා මේ mission 3 මඟ ඇරලා දාන්න. ඒක කරන්නම් නම් මුලින් ඔයාට ගේම් එක crash වෙන්නේ mission එකේ කොයි වෙලාවටද කියලා අඳුන ගන්න වෙනවා. ගොඩක් වෙලාවට crash ඒක වෙන්නේ characters මාරු වෙද්දී. ඔයාට තියෙන්නේ character මාරු වෙන්න කලින් ඕනේ කමින් 4 පාරක් විතර mission එක ඇතුලේ සියදිවි හානි කර ගන්න. එතකොට mission එක skip කරන්නද අහනවා. එතකොට ඒ කොටස skip කරලා ශේප් වෙන්න තියෙන්නේ. හොඳට තේරෙන්න මේ video එක බලන්න.




[4]  characters මාරු වෙද්දී ගේම් එක crash වීම.

   මේකට නම් හරි විසදුමක් නෑ. හැබයි මේක හැම වෙලේම එන්නේ නෑ. ඒ නිසා පුළුවන් තරම් ගේම් එක auto save දාලා, පුළුවන් තරම් ගේම් ඒක save කර කර play කරා නම් එච්චර අවුලක් නෑ. ඒ වාගේම  Alt press කරලා characters මාරු කරන්න. F keys use කරන කොට crash වෙන ගතිය වැඩි.

   ගේම් ඒක open වෙද්දී එන crash නම් මන් කතා කරන්නේ නෑ. මොකද ඒවා ගොඩක් වෙලාවට ඔයාගේ PC එකේ or VGA drivers වල අවුලක් නිසා ඒන ඒවා. common ප්‍රශ්න විදියට තිබ්බ ඒවා තමයි මන් මේ ලිපියේ දැම්මේ.

   ගේම් එකේ language problem එක හදන්නේ ඔයාගේ game files තියන තැනට ගිහින් 3dmgame.ini  file එක හොයා ගෙන මේ විදියට edit කරලා save කරන්න. එතකොට English වලින් විතරක් ගේම් එක open වෙනවා. 

[Settings]
ExeName=GTA5.exe
[Language]
Language=en-US



ගේම් ඒක ඉක්මනට ඉවර කරන්න ඕනේ ඉඟි ටිකක් මන් කියන්නම්

   පුළුවන් තරම් travailing වලට Taxi පාවිච්චි කරන්න. phone එකෙන් Taxi එකකට call කලාම ඔයා ලඟටම එකක් එනවා. මොකද වැඩිම වේලාවක් යන්නේ මේ travailing වලට. හැබයි ගේම් එකේ මුල් අධියර වල මෙහෙම කරන්න එපා. මොකද driving skill ඔයා අනිවා හදා ගන්න ඕනේ දෙයක්.

   Money. සල්ලි තියනවනම් ඔයාට ලේසියෙන් ඕනෙම දෙයක් කරන්න පුළුවන්. බොරුවට car, ඇදුම් ගන්න සල්ලි නාස්ති කරන්න එපා. ඒවා ammo සහා business වල ආයෝජනය කරන්න. පස්සේ කැමති දෙයක් ගන්න පුළුවන් තරම් සල්ලි ලැබෙනවා. submission කරන්න ඉක්මනට සල්ලි වැඩි කර ගන්න.

   Health cheat. ඔයාගේ health ඒක අඩු වුනු වෙලාවට keyboard එකේ "~" press කරලා මෙහෙම type කරන්න 


TURTLE

   ගේම් එක ගැන මගේ අත්දැකීම් අනුව තමයි මම ලිපිය ලිව්වේ. අඩුපාඩු ඇති. හැබයි මේවායෙන් එකක් දෙකක් හෝ උදව් වෙන්න පුළුවන්. ගේම් එකේ story ඒක ගොඩක් හොඳයි. අහ්හ් තව දෙයක් ගේම් එකේ last mission එකේ ඔයාට decision එකක් ගන්න තියනවා, ඔයාගේ යාලුවෝ දෙන්නගෙන් කෙන්ක්ව මරන්න. එහෙම කරන්න එපා!  Deathwish තෝරන්න. ඒක තමයි හොඳම අවසානය! 

මගේ cars සෙට් ඒක. ^_^ ^_*





Monday, January 26, 2015

Titanfall ගේම් එක ඇත්තටම හොඳද?



අද මන් ලෑස්ති වෙන්නේ Titanfall ගේම් එක ගැන මම දන්න දේ ගැන පොඩි review එකක් ලියන්න.  Titanfall කියන්නේ 2014, march release වෙච්ච first person shooter, multiplayer ගේම් එකක්. ඒ වාගේම මේ වෙනකොට Awards 75 කට උරුමකන් කියන, EA Games ලා publish කරපු ගේම් එකක්. 

ඉතින් ඇත්ටමට Titanfall ගේම් එක හොඳද? මන් කෙටි සරල උත්තරයක් දෙනවනම්, ගේම් ඒක "ඉතා හොඳයි". හැබයි මේ ගේම් එකට හිතුව තරම් ජන්ප්‍රියක්, පාරිබෝගික සංඛ්‍යාවක් අත් කර ගන්න බැරි වුනා. තවත් විදියකින් කිව්වොත් ගේම් ඒක වෙළදපොළේ පසුබෑමකට ලක් වෙලා තියෙන්නේ. Titanfall Xbox සැලකිය යුතු ස්ථාවරයක තිබුනත්, PC version එක තමයි මේ තත්වෙට මුහුණ දීලා තියෙන්නේ. මුලින් පැහැදිලි කරන්නම් ඇයි Titanfall එකට මේ වගේ දෙයක් වෙන්න මූලික හේතු මොනවද කියලා.

[1] මන් පළවෙනි කාරණය විදියට දකින්නේ මේ ගේම් ඒකට Single player එකක් එහෙමත් නැත්නම් story mode එකක් නැති වීම. මන් දකින විදියට විශේෂයෙන් PC Gamers ලා අතරේ  story mode එකට විශේෂ ඇල්මක් තියනවා. උදාහරණක් විදියට මන් පවුද්ගලිකව Multiplayer විතරක් play කලත්,  story mode එකක් යම් විදියකට බලාපොරොත්තු වෙනවා.

[2] මේ ගේම් එකෙට crack එකක් නැති වීමත් එක හේතුවක් විදියට දකින්න පුළුවන්. ඔයාට play කරන්න ඕනේ නම් ගේම් එක buy කරන්නම වෙනවා. ගේම් ඒක අවම රු 3200 ක් (stranded version) වගේ. මේ ගේම් එක play කරද්දී මන් දැකපු දෙයක් තමයි South Asian players ලා ඉතා අඩු පිරිසක් තමයි ඉන්නේ. මොකද අපේ වගේ රටවල ගේම් එකක් genuine copy එක සල්ලි දීලා ගන්න තියන උනන්දුව ගොඩක් අඩුයි. අපි ගොඩක් වේලාවට play කරන්නේ ගේම් crack කරලා. මගේ බ්ලොග් එකෙත් වැඩි පුරම ඇත්තේ crack කරන්නේ කොහොමද කියලනේ :p .   

[3] අනෙත් කාරණය මේකට හොඳට play කරන්න නම් ටිකක් වැඩි performance තියන PC එකක් ඕනේ වෙනවා. ඒ කිව්වේ හොඳ VGA එකක් RAM එකක් ඕනේ වෙනවා. මම නම් කියන්නේ මේකට අඩුම 6GB ram එකක් තිබුනොත් හොඳයි කියලා. මොකද ගේම් එක run වෙද්දී සාමාන්‍ය මට්ටමේදී  ram එකෙන් 3600MB වගේ use කරනවා.  VGA එක නම්  අවම ATI  R7 series එකෙන් සෙල්ලම් කරන්න පුළුවන්. GTX වගේ series නම් ගොඩක් හොදට වැඩ කරනවා.  මේ ගේම් එක instal වුනාම 55GB වගේ වෙනවා. මට තාම හිතා ගන්න බෑ 55GB වෙන්න ගේම් එකේ මොනවද තියන්නේ කියලා.

[4] Titanfall එකේ Publishing Rights එක තියෙන්නේ EA Games ලාට. මේ ගේම් ඒක ගන්න පුළුවන් වෙන්නෙත් Origin ලාගෙන් විතරයි. මේ ගේම් එක Steam එකේ තිබුනානම් මිට වඩා හොඳ මට්ටමක ඉන්න තිබුනා කියලයි මන් හිතන්නේ. ඒ වගේම EA Games ලා Battlefield, FIFA, NFS එකට දෙන advertise සහ උනන්දුව, එයාලාගෙන් Titanfall එකට ලැබුනේ නෑ කියලයි මම නම් දකින්නේ.        

[5] අනෙත් කාරණය තමයි මේ ගේම් එකේ weapons, ඒවායේ attachments, game mode වගේ දේවල් ටිකක් අඩුවෙන් තියෙන්නේ. අපි කවුරුත් කැමති sniper ඒක මේකෙදි එච්චර වැඩක් නෑ. මොකද අසාමාන්‍ය දිවීමේ හැකියාව, wall run, double jump පහසුකම් තියන කොට sniper එකෙන් shoot කරන්නේ කොහොමද කියලා ඔයාට තේරෙනවා ඇති නේ. ගේම් එකේ ජනප්‍රිය mode එක Attrition (Team Deathmatch ) විතරයි.  ඒ වගේම Cod, BF වගේ ගොඩක් කට්ටියට match එකේ සෙල්ලම් කරන්න බෑ. උපරිම ඒක පිලකට 6යි ඉන්න පුළුවන්. යාලුවෝ ගොඩක් ඉන්නවනම් එතකොට එක ප්‍රශ්නයක් වෙනවා.  attachments නම් ගොඩක් අඩුයි.  මේ ගේම් ඒපා කරපු noob gun එකක් තියනවා MK5  කියලා. මේ gun එකට short range Auto target හැකියාවක් තියනවා. ඉතින් මේ වගේ gun use කරන 3-4 ක් match ඉන්නකොට තමයි ලේ කෝප වෙන්නේ :p  

හැබයි ඔය මොන ප්‍රශ්න තිබ්බත් COD 4 වලින් පස්සේ මගේ හිතට අල්ලපු එකම FPS ගේම් එක Titanfall. මොකද එකටත් ගොඩක් හේතු තියනවා. වෙන කිසිම FPS ගේම් එකක නැති multiplayer style එකක් Titanfall එකේ තියෙන්නේ. Wall run, Rocket Jump, Invisible හැකියවා, ඒ වගේම අඩි 20ක් වගේ උස රොබෝ කෙනක් පාලන කරන එක, ඒ වගේම් තවත් දැවැන්තයෙක් එක්ක face to face fight කරන ඒක, මිසලයක් එද්දී දුවලා බේරෙන්න පුළුවන්වෙන , පොඩි මිනිහෙක් අඩි 20 ක රොබෝ කෙනක් බිම දාන්න පුළුවන් වගේ multiplayer experience ලැබෙන එකම ගේම් එක නම් Titanfall වෙන්න ඕනේ.  ලොල් ඒ වාගේම මෙයාලගේ wall run speed එක Assassin Creed එකේ කට්ටියත් වඩා වැඩි කියලත් හිතා ගන්න. :p 

ඒ වගේම් ගේම් එකේ Asian server එකේ ping 60-100 අතර තියන්නේ. ඒ වගේ ping එකක play කරද්දී කොහොමද කියලා කියන්න ඕනේ නෑ නේ . මට COD එපා වුනේම එකේ high ping නිසා. ඒ වගේම් ගේම් එක ඇතුලේ view filed වගේ ගත්තොත් ඒක ගොඩක්ම සමාන වෙන්නේ COD style එකට. තවත් විදියකින් කිව්වොත් Titanfal ගේම් එකේ අපි දකින විදිය, movement සහ shooting  style එක බොහෝ දුරට COD වල වගේ. මන් ඒ දේ කියන්නේ උදහරණයක් විදියට Battlefield සහා COD වල style එකිනෙකට බොහෝ වෙනස්. අපි BF වල player ව අපිට දැනෙන විදියට නෙමෙයි අපිට COD වල player ව අපිට දැනෙන්නේ. ඒ වෙනස ඔය ගේම් දෙකම multiplay කරන කෙනක් නම් හොඳට දන්නවා. 

ගේම් එකේ ඉන්නේ players ලා උපරිම 12ක් වුනාට map එක නම් කිසිම තැනක් නිදහසේ නෑ. මොකද අපිත් එක්ක ගේම් එකේ bot ලත් fight කරනවා. ඒ කිව්වේ අපිට players වගේම් bot ලා එක්කත් fight කරන්න වෙනවා. මේකේ stranded version එකට map 15ක් ලැබෙනවා. ගේම් එකේ map නම් කියලා වැඩක් නෑ සුපිරි. සාමාන්‍යන් හැම map එකක්ම වගේ ටිකක් ලොකුයි. විනාඩි 3 වරක් සෑම කෙනෙක්ට Titan රොබෝ කෙනෙක් ලැබෙනවා fight එකේදී . ඇත්තටම මේ ගේම් එක උපරිම 12 සිමා වෙලා තියෙන්නේ මේ රොබෝ ලා නිසා. එක රොබෝ ඇවිල්ලා කරන ටික දැක්කාම කෙනකුට ඒක හිතා ගන්න පුළුවන් වෙනවා.  

ඔන්න ඔහොමයි මගේ අදහස Titanfall ගැන. ඔයාට අදහසක් එන්න පහළ තියන වීඩියෝව හා images බලන්න. මට හිතෙන්නේ Titanfall සල්ලි දීලා ගත්තත්, ගෙවන ගානට පාඩු නැති ගේම් එකක් අනෙක් ඒවාට සාපේක්ෂව බලද්දී. Titanfall ගැන තව මොනාව හරි දැන ගන්න ඕනේ පහලින් කොමෙන්ට් එකක් වශයෙන් දාන්න. එහෙනම් වෙන දවසක තවත් පොස්ට් එකකින් හම්බු වෙමු.!          




   

Thursday, January 15, 2015

GTA V නිළ System Requirements පිට වුනු වගයි



ඔන්න අපි කවුරුත් බලාගෙන හිටපු GTA V වල PC version එකේ  Release date, System Requirements වගේ දේවල් ඊයේ දිනයේ "Rockstar Games" වෙබ් අඩවියේ නිළ වශයෙන් පළ කරලා තිබුනා. 

New release date: March 24, 2015

Minimum specifications: 

OS: Windows 8.1 64 Bit, Windows 8 64 Bit, Windows 7 64 Bit Service Pack 1, Windows Vista 64 Bit Service Pack 2* (*NVIDIA video card recommended if running Vista OS)
 
Processor: Intel Core 2 Quad CPU Q6600 @ 2.40GHz (4 CPUs) / AMD Phenom 9850 Quad-Core Processor (4 CPUs) @ 2.5GHz
Memory: 4GB
 
Video Card: NVIDIA 9800 GT 1GB / AMD HD 4870 1GB (DX 10, 10.1, 11)
 
Sound Card: 100% DirectX 10 compatible

HDD Space: 65GB

Recommended specifications:
 
OS: Windows 8.1 64 Bit, Windows 8 64 Bit, Windows 7 64 Bit Service Pack 1
 
Processor: Intel Core i5 3470 @ 3.2GHZ (4 CPUs) / AMD X8 FX-8350 @ 4GHZ (8 CPUs)
Memory: 8GB
 
Video Card: NVIDIA GTX 660 2GB / AMD HD7870 2GB
 
Sound Card: 100% DirectX 10 compatible

HDD Space: 65GB
 
පේන විදියට නම් VGA ටිකක් වැඩි පුර ඕනේ වගේ. අද තියන සාමන්‍ය VGA එකකින් නම් සෙල්ලම් කරන්න අමාරු වෙන පාටක් තමයි පෙන්නේ. ඒ පිළිබද වැඩි දුර තොරතුරු ඉදිරියේදී බලාපොරොත්තු වන්න. 
 
GTA V PC Screenshots 
 


 
 

Tuesday, January 13, 2015

AMD R7 250X ගැන දැන ගනිමු



අද කතා කරන්නෙ කට්ටිය හුගක් ආස, හුගක් විස්තර හොයන, R7 Series එකේ මැදපෙළ පිතිකරුවෙකු වෙන R7 250X VGA Crad ඒක ගැනයි.

[Click to zoom]
මේ කාඩ් එක කලින් පරපුරේ HD7770 කාඩ් එකට අතිශය සමානයි. ඇත්තම කිවුවොත් ඒක Rename කර මිල අඩු කිරීමක් විදිහටයි මට පෙන්නෙ. මේ කාඩ් එකේ සාමන්‍ය වෙළදපොළ මිල රු15,000 විතර වෙනවා. ඔයා ගෙවන ගානට මේ කාඩ් එකෙන් ඉතාමත් ඉහළ Performance ගන්න පුලුවන්. ඒක හැම AMD කාඩ් එකකටම තියෙන විශේෂත්වයක් කියලා ඔයාලා දන්නවා නේ.

අපේ වචන වලින් කිවුවොත් මේ VGA කාඩ් එක පට්ට..
මේ කාඩ් එක NVIDIA Release කරපු අලුත් කාඩ් එකක් වෙන GT 740 ට වඩා සහ GTX 650 ට වඩා සැලකිය යුතු ලෙස Performance හොදයි.[සහ මිලෙන් අඩුයි]

අපේ වගේ රටවල ඉන්න හැමෝටම Gaming වගේ දෙයක් සදහා හුගක් වියදම් කරන්න අමාරුයි.
මේ වගේ කාඩ් එකකින් ඔයාට Gaming කියන තත්වේ ඇතිකර ගන්න පුලුවන්...

ඒ මොකක්ද ඒ හරුපෙ..??

නෑ. මම කිවුවෙ ඔයාලගෙ PC එක Gaming PC එකක් වෙන්නනම් ඔයාලට හොද Graphics Card එකක් තියෙන්න එපැයි. අද කාලෙ හැටියට NVIDIA GTX කාඩ් එකක් නැත්තම් මේ වගේ කාඩ් එකක්වත් ඕනේ කියලා.

දැන් මේ කාඩ් එකේ Performance කොහොමද කියලා බලමු.[සියලු තාක්ෂණික කරුණු ඉතාමත් ආසන්නයට වටයා ඇත.]
 

  • මේකෙ Performance HD7770 ට සර්වසමයි. 
  • මේකෙ Performance Intel HD4000 ට වඩා ඉතාමත් ඉහලයි.
  • මේකෙ Performance NVIDIA කාඩ් අතර පහත පරිදි වෙනස් වෙයි. 

GTX 650 < R7 250X < GTX 650Ti

මේකෙ Gaming Performance සාමන්‍යෙන් කොහොමද කියලා බලමු..

Assassin's Creed Unity Game එක 720p Resolution වල රන් කරනකොට High to Medium Settings වල Average FPS 30-35 ක් විතර ගන්න පුලුවන්.
1080p Resolution වලත් කිසි අව්ලක් නැතුව Medium Settings වල ගහන්න පුලුවන්.

එදා මෙදා තුර PC වලට ආපු Games අතර ලස්සනම එකක් තමයි Ryse Son of Rome කියන්නෙ. ඒක ඕන කෙනෙක් පිලිගන්නවනේ..
මේ වගේ පට්ට Game එකක් උනත් 720p Resolution වල High Settings යටතේ FPS 35-45 වලින් run කරන්න පුලුවන්.
මේ වගේ ලොකු Games හොදට රන් වෙනකොට අනික් පොඩි Games හුගක් කිසි අවුලක් නැතුව Ultra play කරන්න පුලුවන් කියලා කට්ටියට තේරෙනවානේ..

මේ කාඩ් එක ගන්න කලින් අපේ PC එකේ තියෙන්න ඕන System Requirements මොනවාද?

* ඔයාලගේ Motherboard එකේ PCI express X16 ස්ලොට් එකක් තියෙන්න ඕනේ.[PCIe 3.0 නම් තවත් හොදයි]

 
* හුගක් AMD කාඩ් වලට වගේ මේකටත් හොද Power Supply එකක් ඕනේ.
එක් 6 Pin Connector එකකින් සමන්විත 450W විතර එකක් ප්‍රමාණවත්.

මිලදී ගැනීමේදී සැළකිය යුතු කරුණු..

* මේ වගේ කාඩ් එකක් හුගක් වෙලාවට Brand new ගන්න බලන්න. මොකද මේවා කාලයක් පාවිච්චි කරන්න පුලුවන් කාඩ්.

 
* මේ වගේ කාඩ් එකක වුණත් 1GB එක ගන්න පසුබට වෙන්නෙපා.

 
* මිලදී ගැනීමේදී Warranty පිලිබද සැළකිලිමත් වෙන්න.

 
* තමන් මීට පෙර තනියම කාඩ් එකක් Motherboard එකට සෙට් කරලා නැත්තම්, තමන් කාඩ් එක මිලට ගන්න කඩෙන්ම මේක සෙට් කරගෙන එන්න.
Risk එකක් ගන්න එපා. ඒකට PC එකත් අරගෙන යන්න.

මේවගේ කාඩ් එකකින් උපරිම Performance ගන්නනම් හොද Processor එකක් සහ Minimum 4GB වත් RAM එකක් ඕනෙ.
ඒවගේම කිවුව වගේ හොද Power Supply එකකුත් ඕනේ.


-ඇල් ටොරීටෝ- 

මේ ලිපිය සමහර තැන් වලට මමත් කොටස් එකතු කළා. වැරදි අඩු පාඩු ඇත්නම් හෝ එකතු කරන්න දේවල් තියනවානම් පහලින් කොමෙන්ට් කරන්න.


Monday, January 12, 2015

NVIDIA GTX 750 ගැන දැන ගනිමු


ඔයලා දන්නවා අද කාලෙ එන Game එකක් සාමන්‍යෙන් හොදට play කරන්න ඕනෙනම් NVIDIA GTX කාඩ් එකක් නැත්තම් R7 250x එකක්වත් ඕනෙනෙ. ඒ නිසා අද ටිකක් හොද කාඩ් දෙකක් ගැන කතාකරන්න ඕනෙ කියලා හිතුනා.
මේ කාඩ් දෙක Performance අතින් ඉතාමත් කිට්ටුයි. හැබැයි මේ කාඩ් දෙකේ ලොකු වෙනස්කම් කිහිපයකුත් තියෙනවා.

මුලින්ම මේක කියන්න ඕනෙ,
ඔයාල දන්නවා GTX 750 ගෙ සහෝදරයා GTX 750 Ti. කට්ටිය හුගක් මේ කාඩ් දෙක මිලට ගන්න නැඹුරු වීම අඩුයි. හුගක් අය හිතන් ඉන්නවා, මේ දෙකටම වඩා මිලෙන් අඩු R7 260x කාඩ් එක මේ දෙකටම වඩා Performance වැඩියි කියලා. ඒක වැරදියි.

Gaming Performance අතින් R7 260x කාඩ් එක GTX 750 පහුකරලා තියෙන්නෙත් සුලු වශයෙන්. හරියටම තියෙන්නෙ මෙහෙම.


 GTX 750 < R7 260x < GTX 750 Ti 

NVIDIA ලාගෙ අලුත්ම ''Maxwell'' ආකෘතිය යොදාගෙන මුලින්ම හදපු කාඩ් දෙක තමයි GTX 750 සහ GTX 750 Ti කියන්නෙ. මේ ආකෘතිය නිසා හුගක් අඩු Power එකකින් සිතාගත නොහැකි Performance ලබගන්න පුලුවන් වෙලා තියෙනවා.

Ex:-
ඉස්සර තිබ්බ පට්ටම VGA එකක් තමයි GTX 480 කියන්නෙ [තාමත් සුපිරි] ඒකෙ Performance GTX 750 වඩා අඩු වුණත් 6pin Connectors දෙකකින් යුත් 550W වත් Power Supply එකක් ඕනෙ. ඒත් GTX 750 සහ
GTX 750 Ti එකට ඕනෙ 300W Power supply එකක් පමණකි. කිසිදු 6pin Connector එකක් අවශ්‍ය නැත. 

හුගක් අය මෙතනින් ගෙදර විදුලි බිලට ලැබෙන වාසිය ගැන හිතනනෙ නෑ.
ඔව් ඉතින් ලයිට් බිල යන්නෙ තාත්තගෙ පොකැට් එකෙන් නේ. :p

එහෙම නෙමේ මචන් එතනින් සැළකිය යුතු වාසියක් තියෙනවා..

ඔය වගේම තමා R7 260x එකත්. එයාව දුවන්නත් Minimum 115W විතර ඕනෙ. ඒ කියන්නෙ 500W Power Supply එකක්වත් ඕනෙ. වෙනස තෙරෙනවානේ..

කෙනෙක් අහුවොත් මචන් 20කට විතර ගන්න පුලුවන් හොදම කාඩ් එක මොකක්ද?කියලා.. හුගක් අය කියන්නෙ R7 260x කියලා. මාත් කියන්නෙ එහෙම තමා.

ඒත් එහෙම කියන ටිකක් සාධාරණ නැහැ නේද?

GTX 750 සමහරවිට R7 260x එකට වඩා Rs.1000 ක් විතර වැඩි වෙන්නත් පුළුවන්. ඒත් ඒ Rs.1000 ලියිට් බිලට කැපිලා යනවා කියලයි මට හිතෙන්නෙ.


-ඇල් ටොරීටෝ-

මේ ලිපිය සමහර තැන් වලට මමත් කොටස් එකතු කළා. වැරදි අඩු පාඩු ඇත්නම් හෝ එකතු කරන්න දේවල් තියනවානම් පහලින් කොමෙන්ට් කරන්න.

 

Sunday, January 11, 2015

AMD R7 240 VGA Card ගැන දැන ගනිමු



 අද ඉඳන් ඔයාලට VGA Card පිළිබද ලිපි පෙළක් දෙන්න බලාපොරොත්තු වෙනවා. මොකද Gaming වලට අවශ්‍යම දේ VGA එක නිසා. මේ ලිපි වල නියම අයිතිය, ඒ කිව්වේ මේ ලිපි ලිව්වේ "ඇල් ටොරීටෝ" කියලා මගේ FB එකේ ඉන්න යාළුවෙක්. එයා ලියපු මේ VGA පිළිබද ලිපි වල වටිනාකමක් දැකපු නිසා ඒ දේවල් ඔයාලත් එක්ක බෙදා ගන්න තීරණය කළා. මුල්ම ලිපිය විදියට AMD R7 240 VGA Card ගැන ඉදිරිපත් කරනවා. එහෙනම් ඇල් ටොරීටෝ යාළුවට ස්තුතිවන්ත වෙන ගමන් අපි ඒ ලිපිය වෙත යමු. 

[click to zoom]

මේ දවස් වල අඩු ගානට ගන්න පුලුවන් හොදම කාඩ් එකක් තමයි R7 පවුලේ ආරම්භකයා වෙන Radeon R7 240. මේක AMD ලාගෙ කලින් පරපුරේ HD 7730 ට හුගක්ම සමානයි. ඇත්තම කිවුවොත් HD7730 ට වඩා ටිකක් හොදයි. R7 240 කාඩ් එකේ තියෙන විශේෂත්වය තමයි ඔයා ගෙවන මුදලට මෙයාගෙන් ගන්න පුලුවන් Performance ඉතාමත් වැඩි වීම. 

මේ දවස්වල අපේ Graphics කාඩ් වලට හිසරදයක් වෙච්ච Game එකක්නෙ Assassin's Creed Unity කියන්නෙ. ඒ වගේ බරපතල Game එකක් උනත් කිසි අව්ලක් නැතුව 720p Resolution වල Medium දාල 30 FPS වලින් වගේ Enjoy කරන්න පුලුවන්. හැබැයි Game එකට අදාල අනික් පරිසරය යහපත් වෙන්න ඕනෙ. [6 GB Ram, හොඳ Processor එකක් ඕනෙ]. Unity ගැන කිවුවට පස්සෙ අනික් Games ගැන කියන්න මහන්සි වෙන්න ඕනෙ නැහැ නේද?
 

මේ කාඩ් එකට PCI 2.0/3.0 Support කරන Motherboard එකක් ඕනෙ. අමතර Power Connectors මුකුත් ඕනෙ නැහැ. සාමාන්‍ය 300W වගේ power supply එකකින් වුනත් වැඩ කරන්න පුළුවන්. ඒ වගේම මේක සියලුම අලුත් පහසුකම් වලින් සමන්විතයි. [DirectX 11.2, අරවා මෙව්වා.. ඔක්කොම තියෙනවා. සියලු විස්තර ඉහත Picture එකෙ ඇත.]
 

දැන් මේ කාඩ් එකේ Performance කොහොමද කියලා බලමු. [සියලුම තාක්ෂණික කරුණු ඉතාමත් ආසන්නයට වටයා ඇත.]
 

  • මේකෙ Performance ජනප්‍රිය Nvidia කාඩ් එකක් වෙන GT 640 ට සමානයි.
  • මේකෙ Performance HD7730ට ආසන්නව සමානයි.
  • මේකෙ Performance Intel HD Graphics 4400/4600 ට වඩා හුගක් වැඩීයි.

මේ වගේ කාඩ් එකක් වැදගත් වෙන්නෙ කාටද?
ඔයාල දන්නවා 8800GT, 9800GT කියන්නේ කලින් Gaming පරපුර රජ කරගෙන හිටපු කාඩ් කියලා. අලුත්ම DirectX 11 පහසුකම අහිමි වීමෙන් ඒවා දැන් යල්පැනගිය තත්වෙට පත්වෙලා. ඒ වගේ කාඩ් එකක් පාවිච්චි කරන කෙනෙකුට අවම මුදලක් වියදම් කර යලිත් යථා තත්වයට පත්වෙන්න මේක තමා හොදම VGA එක.
අලුතෙන් Game ගහන්න පටන් ගන්න කෙනෙකුටත් මේක ඉතා හොද ආරම්භයක්.
 

වැදගත් කරුණු -
මේකෙ සාමන්‍ය මිල රු.9000 - 11,000 අතර වෙනවා. (Redline Price)
මේක තමා  මේ වෙද්දී රු.10,000 විතර ගන්න තියෙන හොදමම කාඩ් එක. 



මේ කාඩ් එකක් ගන්නවා නම් Brand New ගන්න. Redline වගේ shop එකකින් ගත්තොත් 3 years Warranty එකක් තියනවා. කාඩ් එක වැඩිය පරණ නැති නිසා 2nd Hand හොයාගන්නත් අමාරු වේවි. මේ කාඩ් එකේ DDR 3 එකට වඩා GDDR 5 එක ගන්න බලන්න. මොකද DDR 5 එකේ speed එක DDR 3 එකට වඩා සැලකිය යුතු ලෙස වැඩි. මේවගේ කාඩ් එකක වුනත් 1GB VRAM වලට වඩා හොයන එක මුදල් අපතේ හැරීමක්. [1GB GDDR5 එකක් ගන්න ඒක පට්ට] මේකෙ මුදලට සමාන Performance තියෙන Nvidia කාඩ් එකක් හොයා ගන්න නැහැ. 2014ට පෙට ආපු Games කිසි අව්ලක් නැතුව Medium/High වගේ ගහන්න පුලුවන්. ඉතින් මේක ගන්න මුදලට පොඩ්ඩක්වත් පාඩු නැති කාඩ් එකක්.

-ඇල් ටොරීටෝ-

මේ ලිපිය සමහර තැන් වලට මමත් කොටස් එකතු කළා. වැරදි අඩු පාඩු ඇත්නම් හෝ එකතු කරන්න දේවල් තියනවානම් පහලින් කොමෙන්ට් කරන්න පුළුවන්.