[ PROTOTYPE 2 ] ගැන කලකිරුනෙමි !

    දින, මාස ගණන් ගොස් ඒ දවස උදා විය. බලාපොරොත්තු දෝත දරාගෙන මා ගේම් කඩය වෙත පිය නැගුවේ මෙතෙක් කල් මග බලා සිටි ගේම් එක අදවත් තියේද බලන්නටය. "මල්ලි ඔන්න PROTOTYPE 2 ඇවිල්ලා" ගේම් කඩේ අයියා  කිවේය. එය ඇසු සැනින් මගේ සතුට නිම්හිම් නැතිවිය. දෙවරක් නොසිතා මා එය මිලදී ගත්තෙමි. ගැහෙන හදින් යුතුව මා ගේම් ඩිවිඩි එක අතට ගෙන කඩිමුඩියේ මගේ නිවස වෙත පිය නැගුවෙමි. වේලාවද වේගයෙන් යනවා සේ දැනෙයි. මට සියදොරිස්ගේ "බයිසිකලය" පාඩම මතක් විය. එදා ඔහු බයිසිකලය ගත් වේලේ මෙවැනිම සතුටක් දැනෙන්නට ඇත. මා තනියෙන් සිතුවෙමි. ගෙදරට ආ විගසම මා මැෂින් එක පණගන්වා ගේම් එක ඉන්ස්ටෝල් කරන්න වූවෙමි. දැන් නම් වේලාව හෙමින් යනවා සේ දැනේනට විය. මිනිත්තු කිහිපයකින්  ක්‍රියාවලිය අවසන් විය. දැන් ගේම් එක ඕපන් කරන මොහොතයි. නැවතත් ගැහෙන හදින් යුතුව මා ගේම් සෙටප් .exe එක දෙවරක් ක්ලික් කරමි. තිරය කළු විය. එකවරම කොටුවක් දිස් විය 

    හත් ඉලව්වට ගහපු කලාබරේ කිව්වලු! " Prototype 2.exe has stopped working " එහි දිස් විය. මා දන්න සෙල්ලම් සියල්ල දාන්න විය. ක්‍රැක්, පැච්, අප්ඩෙට්, සියල්ල දැමුවෙමි. කීබෝර්ඩ් මවුස් ගලවා ගේම් එක දැමුවෙමි. කිසවක් පලක් නොවිය. සැමවිටම ශාප ලත් කොටුව දිස් විය. ගේම් ෆෝරම් වලද, යු ට්යුබ් වලද හරි හැටි පිළිතුරක් නැත. ඇත්තේ ගේම් එකට ශාප කර බැන වැදීම් පමණි. මගේ සිහිනය බොඳ මීදුමක් සේ දැනෙයි. මා හට කිරීමට තව කිසවක් ඉතිරි වී නැත. ගේම් එක පිලිබඳ මහත් කලකිරීමක් ඇති විය. ඇතැම් විට මා ආශා කල අවසාන Activision හි පරිගණක ක්‍රීඩාව වනු ඇත.